6. Lizarrusti - Ordizia

Menditik hirira doan bidea, megalitoz betetako eremu karstiko batetik, artzainen ohiko ibilbidean. Batzuetan agertzen den arren, lur azpitik hanka azpian dugu paisaia guztia moldatu duen elementua: ura. Bistakoa da hori etaparen hasieran, Lareoko urtegi ederrean. Artaldeak nonahi ikus ditzakegu, larreetan bazkatzen, baita txabola batzuk ere. Oiduikoa da horren erakusgarri garbiena. Ordiziara goaz Zaldibia zeharkatu eta gero, Euskal Herriko azoka garrantzitsuenetakoa duen herrira. Irailaren hasieran ospatzen dute artzainen jaitsiera-eguna, eta ospe eta izen handia hartu dituen gazta-enkantea.