1. Ordizia - Segura

Etapa osoan zaindaria eta erreferentea da Txindoki, Goierri gobernatzen duen granitozko piramidea. Beasainen Igartzako monumentu-multzoan geldialdi bat egitea merezi du, bertan ikus baitaitezke Erdi Arotik hona goierritarren lanbideak eta eraikin-motak ezin hobeto gorde dituen gunea. Handik aurrera, belaze artean Olaberriara goaz. Txindoki talaia bada, Olaberria da Goierriko balkoia. Handik aurrera Idiazabala iritsiko gara, Ibilbideari eta Euskal Herriko gazta ezagunenari izena ematen dion herrira. Han daude Artzainen monumentua eta Idiazabal Gaztaren Interpretazio Zentroa. Seguran amaituko da etapa, antzinako filme bat egiteko elementu historiko aproposak dituena.